Snødekke

Snødekke

Dei aller viktigaste felta her er nysnø siste 24 timar og snøfokk. Du kan gjerne fylle ut eit eller fleire felt og la resten stå opent.

• Nysnø siste 24 t: Den beste staden å måle nysnømengde er i tregrensa. Her er me ofte høgt nok til at nedbøren kjem som snø istadenfor regn og snøen får ofte ligge i ro for vind slik at me ikkje får avblåste områder og nokre områder med meir snø. Viss du ikkje klarar å sei noko om nysnø siste 24 timar kan du skrive i kommentrarfeltet kva det er du har målt. Til dømes: "Det var kome 30 cm snø i skispora som eg laga for to dagar sidan".
• Snøfokk: Lett snøfokk betyr at snøen "kryper" langs bakken, ved sterk snøfokk vert det flytta mykje snø og sikta vert redusert.
• Snøoverflate: Det viktigaste her er om det finst laussnø i overflata som kan flyttast av vind neste gong det byrjar å blåse. Eller om det finst rim eller kantkorn i overflata. Slike lag kan snø ned og bli til vedvarande svake lag.
• Overflatefuktighet: Er det tørr eller våt snø i overflata?

Resten av felta kan vere litt vanskelegare å meine noko om. Viss du ikkje veit kva du skal taste inn så let du det stå opent.

• Total snødybde: gi et anslag over kva snødybden er i terrenget. Mål med søkestonga di. Gjer tre målingar med nokre meters mellomrom og registrer gjennomsnittet av desse målingane.
• Nysnøgrense: Kor langt ned snødde det? (moh?). Dette kan hjelpe oss til å sette nedre grense for skredproblem i snøskredvarsla.
• Snøgrense: Kor langt ned mot havet ligg det sammenhengande snø? Me reknar snøgrensa som den høgda der du kan byrje å gå på ski sjølv om det kan ligge enkelte snøflekkar lengre nede.
• Grense lagdelt snø: Ofte vil høge temperaturar og smelting gi oss et homogent snødekke utan lagdelingar i låglandet, men i fjellet kan me finne lagdelt snø.